Plantun de Prouvènço

Pèr coumpara dos planto d'encò nostre

Fissidens dubius & Potentilla crantzii

Fissidens dubius

Fissidentaceae

Nom en français : Fissident crête-de-coq.

Descripcioun :
Aquelo mousso dóu gènre Fissidens (peristome divisa, vèire li fotò) trachis sus li roco cauquiero e de cop que i'a au sòu. Es uno mousso pulèu pichoto auto de 1 à 3 cm. Fai partido dóu group qu'a ges de lòngui celulo sus lou bord de la fueio (fotò), pamens se vèi bèn uno bando de 3 à 4 cellulo pu claro. Se recounèis tambèn à sa pouncho de fueio emé un benc e que la costo s'acabo just avans lou bout (fotò). Es couneigudo pèr pas faire trop d'espouroufite, pamens sèmblo pas trop lou cas au nostre.

Usanço :
Se pòu counfoundre emé d'àutri meno dóu meme gènre subretout Fissidens taxifolius qu'a pas lou bout de fueio denta d'un biais irregulié e peréu que la costo vai fin qu'au bout dóu bènc (de vèire au microuscope).

Port : Acroucarpo
Taio : 1 à 3 cm
Fueio : 1,5 à 3 mm
Tipe bioulougico :
Cicle bioulougico : Planto renadivo

Gènre : Fissidens
Famiho : Fissidentaceae

Ordre : Dicranales

Coulour de la flour :
Petalo : 0,2 à 0,8 cm
Ø (o loungour) flour : Divisa
Flourido : Printèms Ivèr

Sòu : Ca
Autour basso e auto : 50 à 2000 m
Aparado : Noun
Mars à abriéu

Liò : Roco - Sòu
Estànci : Mesoumediterran à Subaupen
Couroulougi : Mieterrano e Oulartico
Ref. sc. : Fissidens dubius P.Beauv., 1805

Fragoun(-de Crantz)

Potentilla crantzii

Rosaceae

Nom en français : Potentille de Crantz.

Descripcioun :
Lou fragoun-de-Crantz trachis dins li pelouso cauquiero de mountagno. A de fueio di cinq fuioun pelous dessubre ço que douno pas de rebat esbrihant au contro dóu fragoun-daura que ié sèmblo proun. Apoundèn que subretout a pas li fueio bourdado d'uno rego argentado de péu (coume l'erbo-de-la-flaquiero). Coumpara emé lou fragoun-daura. La planto èi proutejido sus listo roujo, categourìo LC, es à dire soucit minour.

Usanço :
Counneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 4
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : 1200 à 2800 m
Aparado : Noun
Mai à juliet

Liò : Pelouso de mountagno
Estànci : Subaupen à Aupen
Couroulougi : Bourealo
Ref. sc. : Potentilla crantzii (Crantz) Beck ex Fritsch, 1897 (= Potentilla alpestris Haller f. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Fissidens dubius & Potentilla crantzii

CCC

Coumpara Mousso-divisado-doutouso emé uno autro planto

Coumpara Fragoun(-de Crantz) emé uno autro planto